Related Posts
Category : National
1 એપ્રિલથી દેશભરમાં પેટ્રોલને લઈને કેન્દ્ર સરકારે લીધો મોટો નિર્ણય
નવી દિલ્હીઃ કેન્દ્ર સરકારે પેટ્રોલને લઈને મોટો નિર્ણય લીધો છે. 1 એપ્રિલથી દેશભરમાં 20 ટકા સુધી ઈથેનોલ મિશ્રિત પેટ્રોલ (E20) વેચવું જરૂરી કરી દેવામાં આવ્યું છે. આ પેટ્રોલના ઓછામાં ઓછા RON 95વાળું હશે. આ વખતે પેટ્રોલિયમ અને પ્રાકૃતિક ગેસ મંત્રાલયે નોટિફિકેશન જારી કરીને ક્રૂડ કંપનીઓને નિર્દેશ આપ્યા છે.ઓછામાં ઓછા RON 95વાળું હશે પેટ્રોલ- સરકારના પ્રમાણે, બધા રાજ્યો અને કેન્દ્ર શાસિત પ્રદેશોમાં ક્રૂડ માર્કેટિંગ કંપનીઓને આવું પેટ્રોલ વેચવું પડશે, જેમાં મેક્સિમમ 20 ટકા ઈથેનોલ હોય. સાથે જ આ ફ્યૂલના મિનિમમ રિસર્ચ ઓક્ટેન નંબર (RON) 95 હોવું જરૂરી હશે. RON ફ્યૂલની ક્વાલિટીનું મહત્વપૂર્ણ માપદંડ છેશું હોય છે RON?- RON એટલે કે રિસર્ચ ઓક્ટેન નંબર (Research Octane Number) તે જણાવે છે કે, એન્જિનના ટકોરા સામે બળતણ કેટલું રક્ષણ આપી શકે છે. જ્યારે એન્જિનમાં ગેસોલિન યોગ્ય રીતે બળતું નથી ત્યારે ટકોરા થાય છે. આનાથી અવાજ થાય છે, પાવર ઓછો થાય છે અને લાંબા ગાળે એન્જિનને નુકસાન થઈ શકે છે. RON 95નો અર્થ એ છે કે બળતણ એન્જિનને વધુ સારી સુરક્ષા પૂરી પાડશે
ખાસ પરિસ્થિતિઓમાં છૂટ- સરકારે એ પણ કહ્યું છે કે, વિશેષ પરિસ્થિતિમાં થોડો સમય અને કેટલાક ક્ષેત્રો માટે ક્રૂડ કંપનીઓને માત્ર નક્કી RON માપદંડવાળું પેટ્રોલ વેચવાની છૂટ આપવામાં આવી શકે છે.
ઈથેનોલ કેમ જરૂરી?- ઈથેનોલ શેરડી, મકાઈ અને અન્ય અનાજમાંથી બનાવવામાં આવે છે. આ એક રિન્યૂએબલ ફ્યૂલ છે અને સામાન્ય રીતે પેટ્રોલની તુલનામાં ઓછું પ્રદૂષણ કરે છે. સરકારનું કહેવું છે કે, ઈથેનોલ મિશ્ર કરવાથી ક્રૂડ ઓઈલની આયાત પર નિર્ભરતા ઘટશે. તેનાથી પ્રદૂષણ પણ ઘટશે. આ ઉપરાંત ખેડૂતોને વધારે ફાયદો મળશે, કારણ કે શેરડી અને મકાઈની માંગ વધશે. આ પગલું પર્યાવરણ અને ખેડૂતો બંને માટે ફાયદાકારક માનવામાં આવી રહ્યું છે.
Load more
